تعد قصة الطالب حسن محمد الطالب بكلية العلاج الطبيعى بجامعة سفنكس بأسيوط الجديدة القصص الجميلة والرائعة والمؤثرة بالمحافظة
وحيث يبدأ حسن يومه بالذهاب للكلية لدراسة العلاج الطبيعى بكلية العلاج الطبيعى بجامعة سفنكس باسيوط صباحا وبعد الرجوع من الكلية يذهب لورشة والدة لمساعدته فى عمل السمكرة للسيارات
وقال حسن فى حديث خاص لـ "الفجر" من وأنا صغير وأنا شايف والدي بيتعب علشانى وعلشان اخواتى وكنت بسمعه وهو بيرجع من الشغل مرهق وكنت بحس إنه شايل الدنيا كلها على كتفه ومن اللحظة دي جوايا كان نفسي أريّحه ونفسي أكون سبب إنه يضحك وهو مطمّن وعلشان كده من بدري وأنا بنزل أشتغل أي شغل ييجي فى الورشة بعمله
واضاف حسن إنه كان أيام كتير بيرجع من الشغل جسمه مكسر ويديه مجروحة ورغم كده عنده تاني يوم دارسة ومذاكرة
مشيرا إلى ان من اكثر الاشياء التى أثرت فيه وهو فى الصف الثالث الثانوى وهو مرض والدته تعبت وقال أنا عمري ما هنسى اليوم ده حسيت الدنيا وقفت وحسيت إني ضعيف ومش قادر أعمل أي حاجة
ومن هنا قرر حسن يدخل كلية العلاج الطبيعي علشان يساعد المواطنين ويخفف عنهم الآلام زي ما كان بيتمنى يلاقي اللي يخفف عن والدته والتحق حسن بالكلية وبيذهب للكلية صباحا وبالليل بيشتغل سمكري سيارات
0 تعليق