علقت الفنانة ليلى أحمد زاهر، عن نجاح حكاية هند، من مسلسل ما تراه ليس كما يبدو، معلنة عن أصعب المشاهد بالعمل، مشيرة أنها وضعت نفسها محل الشخصية الحقيقية، من خلال تصريحات تلفزيونية لها.
وقالت ليلى أحمد زاهر: مشهد مواجهة هند لـ يوسف لما عرفت أنه اتجوز عليها، كان صعب وتخيلت سيناريوهات كتير في دماغي وبنهار، وحطيت نفسي في الموقف وشفت زوجي هشام جمال قدامي في المشهد الموقف صعب جدًا ومش هقدر أتخيل ده.
وتابعت ليلى أحمد زاهر: أنا دايمًا بخاف في اختياراتي للأدوار، ولكن لما اتعرض عليا دور هند في حكاية هند، معرفش ليه لما قرأت الورق حسيت أني عايزة أغامر، وطبعًا الورق مرعب والشخصية كانت صعبة جدًا.
وواصلت ليلى أحمد زاهر: كنت متعصبة كليلى من اللي بيحصل في أحداث المسلسل، ولكن ليلى مش هند، والمسلسل كله كان صدمات ورا بعض.
0 تعليق